جرح اعتيادي بقلم: حسين الأحمد

جرح اعتيادي بقلم: حسين الأحمد
هذا الحزن ياخوي
سل سيفه ليا 
وخلا العدو والخل
يضحك عليا
صار الوقت غدار
والخوه ضاعت
وروح اللي شريناه
ياوسفه باعت
اللي عطيته الروح
راح وتركني
أصبر ودمع العين
والله فضحني 
ياخوي قلي شلون
جرحي أخيطه!
وقليبي صار شقوق
وللهم محطه!
اللي هويته سنين
غفلة غدرني
واللي هديته ورود
بسيفه طعني!
ليش الزمن جا ليش!
يلعب علينا !
يهدم بغمضة عين
كل ما بنينا!!
في هالقلب حسرات
مو حسرة وحده
وأحزاني مثل لحاف
وهمي مخده..
أنا أون ونات
محد سمعني!
ماظل وفا ياخوي
كل شي جرحني!
هذا جزا المعروف
هذي جزاتي
شكرا يابعد الروح
لالاتحاتي
أطعن بقوة أرجوك
قطع فؤادي
لاتظن أصيح اﻵه
جرح اعتيادي..
دام اﻷخو غدار
ويغدر بخيه
لازم نبوس إل خان
ندق له تحيه
السعودية ـ الرادار

مقالات ذات صله

Powered by themekiller.com anime4online.com animextoon.com apk4phone.com tengag.com moviekillers.com